الـحـمـد لـلـه مـا دن الـمـطـر & وارخا بالمزان وسقى كل طين
هو ذي خلقني وسوا لي صور & وثنين عـسكـر يساري واليمين
يسجلـون الـخـطـايـا والـعـثـر & وكــل مـاهـو بـقـلـبـي عارفين
ياكم خلق ناس من واحد نـفـر & واحـد نفر ورث الناس اجمعين
وسرح الشمس هيويت الـقمـر & يومي وليلي سفـر طول السنين
والارض حافظ لها بحـراً وبر & باتخـتـسـف ون الاوادم قـارقين
ومـا تـسجـل بلـوحـه والـقـدر & مـا يـمـتـحـي حكم رب العالمين
وا ساتر الحال تستر من ستـر & وانت سـميـيـك خـيـر الساترين
انا سالك الطف بنا من كل شر & وحـدنا مـن طـريـق الـظـالمين
بـتـذكر الـمـوت ون الـنوم فر & وراح لـمـا رجـع لـي بـعد حين
نهار ما يطـرحـونـي بالحـفـر & ودو الـمـجـارف عـلـيـا يـادفين
وذي في المـقـبـره كـلاً نـشـر & مـن دون لاحد جلس وقعه يعين
ولا عيالي ولاصاحـب حـظـر & ذي كـنـت انا ويتهـم مـتحـابين
واحد ذكرني وواحـد مـا ذكـر & وذاك هـويت مـــرته مـبـردين
وذاك له قلب قاسي كـالـحجـر & وقـال لـيـتـه وقع راسه طـحين
والبنت بتقول بـر الـيـوم بـر & ظـلـه بتبكي ويـالـطـم الـجـبين
بسمع بكـاهـا ونا مـالـي اثـر & والقلب ذي كان مـثـل الحيد لين
وقلت ياليت لي لمحت بصـر & مـن الـعـذل واحـنـيـني بالحنين
ولا من الواد حـقـي والـثـمـر & باقـسـمـه مـن طـرف للـكادحين
وقـال لـي لاتـقـايـس للـفـكـر & لا كـان قـايستـهـا وانـتـه جنين
واليوم ما عاد من دونه مـفـر & اقـراء كـتـابك ورحنا حاضرين
ودي ملفـات داري ذي عـبـر & ون الـمـلـفـات مـعـجونه عجين
وقلت يارب جرني من صغر & مـا دام انـا بـيـن يـداتـك سجين
وجنه الحور ذي فيها الخضر & مــاؤه مــن شـلـهـا دنـيـا ودين
والفين صلو على سيد البشـر & مـحـمـداً هـو شـفـيـع المسلمين
عدات ما الحاج لبا وعـتـمـر & وعـا الـجـبـل لـشـفـاعه واقفين
موضوع: كلمات / الشاعرعلي احمد 
الأحد مايو 15, 2011 10:58 am
